Jose Alvarezek zuzentzen duen selekzioak 1-0 irabazi du Nestorrek sartutako gol bati esker. Euskadik ondo hasi du 16 urtez azpiko Espainiako Txapelketa. Lehen jardunaldian Galizia izan du aurkaria. Kostata baina hiru puntuak eskuratu ditu. Galizia aurkari gogorra izan da. Mutil handiak dira eta ez da erraza eurei aurre egitea, esan du Jose Alvarezek. Hala ere, partida amaitzeko ordulaurden falta zela Nestorrek sartutako gol bati esker garaipena eskuratu du. Zelai erdiko jokoan egon da garaipenaren giltza. Erdilariek partida bikaina egin dute. Teknikoki askoz gehiago garela erakutsi dugu.