Selekzioak Murtziaren kontra jokatuko du txapelketako hirugarren partida. Euskadik eta Kataluniak hutsean berdindu dute Errioxan jokatzen ari diren Espainiako txapelketako bigarren jardunaldian. Aurreikuspen guztiak bete dira. Neurketa berdindua izan da. Bi selekzioek maila oneko jokalariak dituztela erakutsi dute, baina inolaz ere ezin izan dute aurkaria mendean hartu. Intentsitaterik ez da falta izan, baina aukerak ere ez dira asko izan. Bestalde, haizeak ere ez du asko lagundu. Ondorioz, golen aldeari esker Katalunia izan da multzoko lehen sailkatua.