Gorabide, I. Euskal Kopako irabazlea Erandion

Erandion, Kirol Egokituaren euskal hiriburuan, Adimen Urritasuna duten pertsonentzako Areto Futboleko Euskal Kopa ospatu da gaur. Euskal Kopa honetan Gorabidek txapelketa lortu du finalean Adizmi 6 eta 2 markagailuarekin irabaziz.

Altzagako Kiroldegian ospatutako txapelketak 150 kirolari eta hamalau taldetako hogeita hamar entrenatzaile baino gehiago bildu ditu, eta kirol modalitate honetako festa handia izan da.

Giro aparta izan dugu harmailetan, eta itxura oso ona izan du egun osoan zehar. Gainera, Gorabide eta Adizmi taldeen arteko lehian ia beteta egon da.

Lan-hitzarmen historikoa Euskal Kirol Egokituarentzat

Euskadiko Futbol Federazioak eta Kirol Egokituaren Euskal Federazioak, lankidetza-hitzarmen historikoa sinatu dute bi erakundeen artean. Sinaduran, Vanesa Lucio, taldeen ordezkariak eta Carlos Enrique Gomez, Euskal Futbol Federazioko diruzainak parte hartu dute. Ekitaldian Gorka Iturriaga Eusko Jaurlaritzako Jarduera Fisikoaren eta Kirolaren zuzendaria eta Ángel Gurrutxaga Euskal Kirol Federazioen Batasuneko presidentea ere egon dira.