Euskadiko Futbol Federazioak egindako batzarrean joan den ekitaldiko kudeaketa eta urte honetarako aurrekontuak onartu ziren. Kirol arloan, bestalde, datorren sasoiko futbol eta areto futboleko egutegiak eta lehiaketa egitasmoak adostu ziren. Halaber, egun berean egin zen ezohiko batzarrean Estatutuetan eta Arautegi Orokorrean eta Disziplinakoan egindako aldaketei baiezkoa eman zitzaien. Azkenik, 2012-2016 bitartean Federazioa kudeatzeko ardura izango duen zuzendaritza hautatzeko behar den Batzar Elektorala aukeratu zuten.