Pasa den asteburuan Areto-Futboleko Hirugarren Mailaren eta Areto-Futboleko Euskal Ligaren hasiera bizi ondoren, Euskadiko Futbol Federakundeak kudeatzen dituen txapelketa guztiak abian daude.

Futboleko txapelketa guztiak hasita, areto-futbolekoak martxan jartzen azkenak izan dira. Lehendabizi, Areto-Futboleko Euskal Kopa hasi zen asteburu berean, Bigarren B Maila eta Ohorezko Gazteen Mailak jarri ziren martxan. Hirugarren Maila eta Euskal Ligaren hasiera ikusteko itxaron behar izan dugun arren, azkenean gainerako txapelketak bezala haien momentua heldua da!